Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Keyfiyyətli xidmət,xoş təəsürat

Üzvlərimizin e-ahik.az platformasından qeydiyyatdan keçərək əldə etdikləri yollayışdan gördükləri xidmət, qayğı və bundan yaranan təəssüratlarını sizinlə paylaşırıq.

70 illik yubiley

Milli Konservatoriyanın nəzdində Musiqi Kollecinin dəyərli əməkdaşı Məmmədov Qnyaz Dosməmməd oğlunun 70 illik yubileyi münasibətilə səmimi-qəlbdən təbrik edirik!

Ömrünün əlamətdar və mənalı bir mərhələsini qeyd edən yubilyara möhkəm cansağlığı, uzun ömür, ailə səadəti və gələcək fəaliyyətində uğurlar arzulayırıq. Təhsil və musiqi sahəsinə həsr etdiyi illər ərzində göstərdiyi peşəkarlıq, məsuliyyət və zəhmət yüksək qiymətə layiqdir.Arzu edirik ki, bundan sonrakı illər də xoş günlər, sevinc və yeni uğurlarla zəngin olsun. 70 illik yubileyiniz mübarək!

Bir Günlük Gəzinti, Uzunmüddətli Xoş Təəssüratlar

ETİHİ Nəsimi Rayon Komitəsinin dəstəyi ilə 74 nömrəli körpələr evi-uşaq bağçasının kollektivi üçün gəzinti təşkil olunub.Üzv təşkilatların asudə vaxtının səmərəli təşkili, kollektivlər arasında həmrəyliyin və qarşılıqlı ünsiyyətin möhkəmləndirilməsi məqsədilə keçirilən bu cür tədbirlər iştirakçılar tərəfindən böyük maraqla qarşılanır.Səmimi və xoş atmosferdə keçən gəzinti iştirakçılara istirahət etmək, gözəl təəssüratlar qazanmaq və kollektiv ruhunu daha da gücləndirmək imkanı yaradıb.

70 illik ömrün mənalı yolu

Elm və Təhsil İşçiləri Həmkarlar İttifaqı Nəsimi Rayon Komitəsinin üzv təşkilatı olan 123 nömrəli körpələr evi–uşaq bağçasının tərbiyəçi müəllimi Quliyeva Balaxanım Xanlar qızının 70 illik yubileyi münasibətilə təbrik tədbiri keçirilib.Yubilyar Elm və Təhsil İşçiləri Həmkarlar İttifaqı Nəsimi Rayon Komitəsi tərəfindən təbrik edilərək, ona möhkəm cansağlığı, ailə səadəti, uzun ömür və gələcək fəaliyyətində yeni uğurlar arzulanıb.

65 illik ömrün mənalı yolu

Elm və Təhsil İşçiləri Həmkarlar İttifaqı Nəsimi Rayon Komitəsinin üzv təşkilatı olan 174 nömrəli körpələr evi–uşaq bağçasının tərbiyəçi müəllimi Gözəlova Hicran Ağa qızının 65 illik yubileyi münasibətilə təbrik tədbiri keçirilib.Tədbirdə Hicran müəllimin uzun illər ərzində məktəbəqədər təhsil sahəsində səmərəli fəaliyyəti, peşəsinə olan sonsuz sevgisi, yüksək məsuliyyət hissi və balaca fidanların sağlam, vətənpərvər ruhda yetişdirilməsi istiqamətində göstərdiyi xidmətlər xüsusi vurğulanıb.Bağçanın müdiri Aynurə xanım qeyd edib ki, Hicran Gözəlova öz zəngin pedaqoji təcrübəsi, qayğıkeşliyi və nümunəvi fəaliyyəti ilə həm həmkarlarının, həm də valideynlərin dərin hörmət və rəğbətini qazanıb.Sonda yubilyar Elm və Təhsil İşçiləri Həmkarlar İttifaqı Nəsimi Rayon Komitəsinin əməkdaşı Yeganə Rəhimova tərəfindən təbrik edilərək ona möhkəm cansağlığı, ailə səadəti, uzun ömür və gələcək fəaliyyətində yeni uğurlar arzulanıb.

60 illik yubiley qeyd olunub

ETİHİ Nəsimi Rayon Komitəsi tərəfindən 60 illik yubileyini qeyd edən həmkarlar ittifaqı üzvü Allahverdiyeva Gülçöhrə Məhəmməd qızı təbrik olunub. Yubilyara uzunmüddətli səmərəli fəaliyyəti, təhsilin inkişafına verdiyi töhfələr yüksək qiymətləndirilərək ETİHİ Nəsimi Rayon Komitəsinin Fəxri Fərmanı və qiymətli hədiyyəsi təqdim edilib.Görüşdə yubilyara möhkəm cansağlığı, uzun ömür, ailə səadəti və gələcək fəaliyyətində yeni uğurlar arzulanıb.

65 illik yubiley qeyd olunub.

ETİHİ Nəsimi Rayon Komitəsi tərəfindən 65 illik yubileyini qeyd edən həmkarlar ittifaqı üzvü 112 nömrəli körpələr evi-uşaq bağçasının müdiri Soltanova Aybəniz Mürvət qızı təbrik olunub. Yubilyara uzunmüddətli səmərəli fəaliyyəti, təhsilin inkişafına verdiyi töhfələr yüksək qiymətləndirilərək ETİHİ Nəsimi Rayon Komitəsinin Fəxri Fərmanı və qiymətli hədiyyə təqdim edilib. Görüşdə yubilyara möhkəm cansağlığı, uzun ömür, ailə səadəti və gələcək fəaliyyətində yeni uğurlar arzulanıb.

Bir Günlük Gəzinti, Uzunmüddətli Xoş Təəssüratlar

ETİHİ Nəsimi Rayon Komitəsinin dəstəyi ilə 1 nömrəli Uşaq Gənclər İnkişaf Mərkəzinin kollektivi üçün gəzinti təşkil olunub.Üzv təşkilatların asudə vaxtının səmərəli təşkili, kollektivlər arasında həmrəyliyin və qarşılıqlı ünsiyyətin möhkəmləndirilməsi məqsədilə keçirilən bu cür tədbirlər iştirakçılar tərəfindən böyük maraqla qarşılanır.Səmimi və xoş atmosferdə keçən gəzinti iştirakçılara istirahət etmək, gözəl təəssüratlar qazanmaq və kollektiv ruhunu daha da gücləndirmək imkanı yaradıb.

Birgə istirahət, xoş xatirələr və həmrəylik.

ETİHİ Nəsimi Rayon Komitəsinin dəstəyi ilə 162 nömrəli körpələr evi-uşaq bağçasının kollektivi üçün gəzinti təşkil olunub.Üzv təşkilatların asudə vaxtının səmərəli təşkili, kollektivlər arasında həmrəyliyin və qarşılıqlı ünsiyyətin möhkəmləndirilməsi məqsədilə keçirilən bu cür tədbirlər iştirakçılar tərəfindən böyük maraqla qarşılanır.Səmimi və xoş atmosferdə keçən gəzinti iştirakçılara istirahət etmək, gözəl təəssüratlar qazanmaq və kollektiv ruhunu daha da gücləndirmək imkanı yaradıb.

İttifaq üzvləri asudə vaxtlarını səmərəli istirahətlə dəyərləndirirlər

Həmkarlar İttifaqının təşkilatçılığı ilə Nəsimi rayonu 42 nömrəli tam orta məktəbin kollektivi İsmayıllı rayonunda xoş və yaddaqalan gün keçiriblər. Gözəl təbiət mənzərələri, maraqlı görüşlər və səmimi ünsiyyət iştirakçılara həm dincəlmək, həm də yeni enerji toplamaq imkanı yaradıb.

Asudə vaxtın səmərəli təşkili əməkdaşların sosial rifahının yüksəldilməsinə, kollektivdə həmrəyliyin güclənməsinə və iş fəaliyyətində daha yüksək motivasiyanın formalaşmasına xidmət edir.